so jeze bini wider zrugg vo Bakok.
Das mid em postwäg wäge dr Lebesbestätigung hani scho gwist aber das hani im Mareili nid verzelt, ha ja wider einisch i d grosstatt welle gha.
me gennt sich ja susch nüet.
Mier sind de grad nu ä tagg lenger blibbe, es hed ües so gued gfale. i dere sukufit da gat de d Poscht ab, chanich eich säge.
S Mareili und ich sind einisch amene abig i dere soi coboj gsi, da hets wie z pataia ai so Hääsli vor em iigang zu dä Baar.
i so eini hani de ine welle mid em Mareili aber die het gseid sie miesi zerscht ellei ine ich müesi dusse warte.
de isch si wieder üse cho und hed gmeint das siegi nüt fir mich, ich chenni dä coboj ai dr heime mache. de hani de haut zwei drii Bier amene anderä ort gnämigt.
s mareili hed mi treestet und gmeint mier giengid de am andäre tagg is pratunam det sieg ai fill los.
viel los isch scho gsie und e chaibe Hiz aber nume chleider schue klunker und viagra,
ä Bar hani ä keini gsee.
Bruno99
ja das mit dene zaale hani scho gsee, has aber nid trüet ä so z schriibe, ha di nitt welle beleidige, dä Seppetoni hed einisch zu mier gseid, dü bisch nid ganz hundert. drum hani bi dier hald es 66 drües gmacht, tschuldigung
nu eppis, ich wisti nitt wo und was ich da gäge benim regle verstose seti ha.
Aber vilicht hed da mie Koleg, dä schlaiwi nidwaudner, nid so urächt gha, dä hed mier gseid, i dene Furom muesch as nüiwling üfpasse.
setige vorwizige tipe wie ich eine siegi, täg me de da schnell einisch ä Müelchorb alegge.
ä scheene grues vom Franzxaveri